മനോധർമ്മ സംഗീതം

കർണ്ണാടക സംഗീതം മനോധർമ്മ പ്രധാനമായ ഒരു സംഗീത രൂപമാണ്. രാഗം, താനം, നിരവൽ. സ്വര പ്രസ്താരം എന്നിവയിലാണ് മനോധർമ്മം ഉപയോഗിക്കുന്നത്.

നാൽപതോളം വർഷങ്ങളായി, സംഗീതം പഠിപ്പിക്കാൻ തുടങ്ങിയിട്ട്. മനോധർമ്മ സംഗീതം എന്താണെന്ന് മനസ്സിലാക്കിയവർ വിരലിലെണ്ണാവുന്നവർ മാത്രമേ ഉള്ളൂ. ഇതിന് ഞാൻ കാണുന്ന പ്രധാന കാരണം:

… കേൾവിജ്ഞാനം ഇല്ലായ്ക. കച്ചേരികൾ കേൾക്കാൻ വരുന്ന വിദ്യാർത്ഥികൾ വളരെ വിരളം.

… എല്ലാവർക്കും മത്സരങ്ങൾക്കായി രാഗം, നിരവൽ, സ്വരപ്രസ്താരം എന്നിവ കാണാപ്പാഠം പഠിപ്പിക്കുന്നു. അവനവന്റെ മനോധർമ്മമല്ല, മറിച്ച് അധ്യാപകന്റെ മനോധർമ്മമാണ് കാണാപ്പാഠമാക്കുന്നത്.

… കർണ്ണാടക സംഗീതം പഠിക്കുന്നത് സിനിമാ സംഗീതത്തിലേക്കുള്ള ചവിട്ടുപടിയായിട്ടാണ്.

എന്നാൽ കുറച്ചു പേർ ഗൗരവത്തോടെ പഠിക്കുന്നവരുണ്ട്. അവരിൽ കുറെ പേർ ഉന്നത സ്ഥാനങ്ങളിലേക്ക് എത്തിയിട്ടുമുണ്ട്.

ഇത്രയും എഴുതുവാൻ കാരണം: ”എങ്ങനെയാ മനോധർമ്മം ഉണ്ടാക്കുന്നത്?” എന്ന് ഒരു വിദ്യാർത്ഥിയുടെ സംശയം. ഉണ്ടാക്കുകയല്ല, spontaneous ആയി വരുന്നതാണ് മനോധർമ്മം എന്ന് ഞാൻ മറുപടിയും കൊടുത്തു.