ഈ ഏട്ടനും അനിയനും തമ്മിലുള്ള സ്നേഹബന്ധം അപൂർവ്വമാണ്. കുട്ടിക്കാലം മുതൽ ഏട്ടനും അനിയനും എല്ലാ കാര്യങ്ങൾക്കും ഒരുമിച്ച്. കുസൃതിയാണെങ്കിലും അല്ലെങ്കിലും. പലരും പറയുമായിരുന്നു, ഇവർ അടയും ശർക്കരയും പോലെയാണെന്ന്. അങ്ങിനെ ആയിരുന്നു താനും!
ഏട്ടൻ മരിക്കുന്നതിന് 5 കൊല്ലം മുമ്പ് അനിയൻ മരിച്ചു. അനിയൻ മരിച്ച കാര്യം പറയാൻ ഏട്ടനോട് പറയാൻ എനിക്കാണ് നിയോഗമുണ്ടായത്. എന്നെ കണ്ടയുടൻ ഏട്ടൻ ചോദിച്ചു: ”എന്താ കുഞ്ഞിക്കുട്ടന്? മരിച്ചോ?” ആറാമതൊരിന്ദ്രിയം ഉണ്ടെന്ന് ബോധ്യമായി! എങ്ങിനെയാണ് ഏട്ടൻ ഇത് മനസ്സിലാക്കിയത്! ഇന്നും അതൊരു അത്ഭുതമായി എന്റെ മനസ്സിൽ അവശേഷിക്കുന്നു. അതോടു കൂടി ഏട്ടൻ അൽഷിമേഴ്സിന് അടിമപ്പെടുകയും ചെയ്തു.
ഈ സഹോദര സ്നേഹത്തിന് പകരം വെയ്ക്കാൻ എന്തുണ്ട്???🙏
ഈ സഹോദരൻമാർ മറ്റാരുമായിരുന്നില്ല. അച്ഛനും അപ്ഫനും! രണ്ടു പേർക്കും പ്രണാമം.
ആ ഏട്ടന്റെ ആറാമത്തെ ശ്രാദ്ധ ദിനമാണ് ഇന്ന്.🙏
narayanan.desamangalam 