ഏതോ ജന്മ കല്പന

Voice of Trichur ൻ്റെ പ്രധാന കണ്ണിയായിരുന്നു ജോൺസൺ. വയലിൻ, ഗിറ്റാർ, ഹാർമോണിയം, പിയാനോ അക്കോർഡിയൻ എന്നീ വാദ്യങ്ങളിൽ നിപുണൻ. തൃശ്ശൂരിലെ നെല്ലിക്കുന്നിൽ നിന്ന് മലയാള ചലച്ചിത്ര സംഗീതത്തിൽ സ്ഥിരപ്രതിഷ്ഠ നേടിയ പ്രതിഭ. പണ്ട് തൃശ്ശൂർ ജോസ് തീയേറ്ററിൻ്റെ പിൻവശത്തിരുന്ന്, ജോൺസൺ പാട്ടുകളുടെ BGM ൻ്റെ നൊട്ടേഷൻ എഴുതിയെടുത്തിരുന്നു എന്ന് അദ്ദേഹത്തിൻ്റെ ഒരു സുഹൃത്ത് എന്നോട് പറഞ്ഞിട്ടുണ്ട്. ”നമുക്കു പാർക്കാൻ മുന്തിരിത്തോപ്പുകൾ” എന്ന സിനിമയിലെയും, ”തൂവാനത്തുമ്പികൾ” എന്ന സിനിമയിലെയും BGM എങ്ങിനെ മറക്കാനാണ്! ജോൺസൺ ഈണം നല്കിയ ഗാനങ്ങളിലെ ലാളിത്യം അദ്ദേഹത്തിൻ്റെ ഒരു stamp ആയിരുന്നു. താങ്കൾ മലയാള ചലച്ചിത്ര സംഗീതത്തിനു നൽകിയ മുത്തുകൾ എന്നും തിളങ്ങിക്കൊണ്ടേയിരിയ്ക്കും.