രൂപകതാളം

കർണ്ണാടക സംഗീതത്തിലെ സപ്ത താളങ്ങളിൽ മൂന്നാമത്തെ താളമാണ് രൂപകതാളം. ഈ താളത്തിലെ അലങ്കാരം ചതുരശ്ര ജാതിയിലാണ് ചിട്ടപ്പെടുത്തിയിട്ടുള്ളത്. ഒരു ദ്രുതവും, ഒരു ചതുരശ്ര ലഘുവും കൂടുന്നതാണ് രൂപക താളം. തകതകധിമി എന്ന് 6 അക്ഷരമുള്ള താളം.

എന്നാൽ പാടുമ്പോൾ രണ്ട് സശബ്ദ ക്രിയകൾ ഒരുമിച്ചും, ഒരു നിശ്ശബ്ദക്രിയയുമായാണ് താളം പിടിയ്ക്കുന്നത്. അതായത് രണ്ടടിയും ഒരു വീശുമാണ് കച്ചേരി പാടുമ്പോൾ പിടിയ്ക്കുന്നത്. എന്തു കൊണ്ട് അങ്ങനെ താളം പിടിക്കുന്നു?

മാത്രമല്ല. കാംബോജിയിലെ “ശ്രീ സുബ്രഹ്മണ്യായ നമസ്തേ,” ദ്വിജാവന്തിയിലെ ” ചേതശ്രീ ബാലകൃഷ്ണം,” എന്നീ രൂപക താളത്തിലെ കൃതികൾ തിശ്ര ജാതി ഏക (2 കള) താളത്തിൽ വലിയ സംഗീതജ്ഞർ പാടിക്കേട്ടിട്ടുണ്ട്.

എന്തു കൊണ്ട് രൂപക താളത്തിന് ഒരു പരിണാമം സംഭവിച്ചു. അറിവുള്ളവർ പറഞ്ഞു തന്നാൽ സന്തോഷം!🙏