മനീഷിയ്ക്ക് പ്രണാമം🙏

My FB post of April 13 2019 about my last meeting with Kanjoor Krishnan Nambudiripad.

ഇന്ന് കാഞ്ഞൂർ കൃഷ്ണൻ നമ്പൂതിരിപ്പാടിനെ കാണാൻ പോയിരുന്നു, പ്രൊഫ. ജോർജ് എസ് പോളിന്റെ കൂടെ. ശാരീരികമായ അവശതകളുണ്ടെങ്കിലും, അദ്ദേഹത്തിന്റെ ഓർമ്മയ്ക്ക് ഒരു കോട്ടവും തട്ടിയിട്ടില്ല! അദ്ദേഹവുമായി സംഗീത – നൃത്ത സംബന്ധിയായ വിഷയങ്ങൾ സംസാരിച്ചു.

കലാമണ്ഡലത്തിലെ ആദ്യത്തെ മോഹിനിയാട്ട വിദ്യാർത്ഥിനികളുടെ പേരു പോലും പറഞ്ഞു. ഭാനുമതി, ക്ലാര, ഹൈമാവതി, വിദ്യാവിനോദിനി എന്നിവരാണത്രെ ആദ്യമായി സ്റ്റൈപ്പൻഡ് മേടിച്ച് മോഹിനിയാട്ടം പഠിച്ചവർ! അക്കാലത്ത് കൃഷ്ണേട്ടൻ കലാമണ്ഡലത്തിൽ ജോലി ചെയ്തിരുന്നു.

സംഗീതത്തിലെ ഗമകങ്ങളും, സംഗതികളും permissible deviations ആണെന്നാണ് അദ്ദേഹത്തിന്റെ അഭിപ്രായം. ശരിയാണെന്ന് എനിക്ക് തോന്നി. ഭാഷാംഗ രാഗങ്ങളെക്കുറിച്ചും സംസാരിക്കുകയുണ്ടായി. കാംബോജിയിലെ ഭാഷാംഗ സ്വരം ആ രാഗത്തിന്റെ സൗന്ദര്യം വർദ്ധിപ്പിക്കുകയാണുണ്ടായത് എന്ന് അദ്ദേഹം പറയുന്നു. ശരിയല്ലേ?

ആ മഹാ മനീഷിയുടെ അനന്യമായ ജ്ഞാനത്തിന് മുന്നിൽ പ്രണാമം!🙏